Թորած ջրի, սպասքի լվացման համար նախատեսված հեղուկի և փափուկ սպունգի կամ միկրոֆիբրե կտորի առկայությունը բավարար է արևային վահանակները մաքրելու համար։ Սակայն պետք է հաշվի առնել, որ դրանք մաքրելու տարբեր եղանակներ և նրբություններ կան:

Ըստ Shtigen-ի մասնագետների մշակած ուղեցույցի՝ մաքրման գործընթացն ավելի հեշտ, անվտանգ և արդյունավետ կդառնա:

Արևային վահանակները մաքրելիս անհրաժեշտ է ճիշտ գործիքներ օգտագործել: Ապակին ամուր է, սակայն մաքրող նյութերը կարող են քերծել կամ վնասել ապակու մակերեսը՝ նվազեցնելով վերջինիս արտադրողականությունը կամ նույնիսկ դարձնել այն ոչ պիտանի: Նախընտրելի է օգտագործել սպունգ կամ միկրոֆիբրե կտոր՝ երկար ընդարձակման ձողով, որպեսզի աշխատանքը ավելի հեշտ և անվտանգ լինի:

Մի քանի խորհուրդ, որ թույլ կտան չվնասել վահանակները մաքրելու ընթացքում․

1. ՕԳՏԱԳՈՐԾԵԼ ՍՊՈՒՆԳ ԿԱՄ ՄԻԿՐՈՖԻԲՐԵ ԿՏՈՐ
2. ԽՈՒՍԱՓԵԼ ԲԱՐՁՐ ՀԱՆՔԱՅԻՆ ՆՅՈՒԹԵՐ ՊԱՐՈՒՆԱԿՈՂ ՋՈՒՐ ՕԳՏԱԳՈՐԾԵԼՈՒՑ
3. ՉՕԳՏԱԳՈՐԾԵԼ ԲԱՐՁՐ ՃՆՇՄԱՄԲ ՋՈՒՐ
4. ՕԳՏԱԳՈՐԾԵԼ ՄԻՋԱՎԱՅՐԱՅԻՆ ՋԵՐՄԱՍՏԻՃԱՆԻ ՋՈՒՐ
5. ՉՕԳՏԱԳՈՐԾԵԼ ԱԲՐԱԶԻՎ (ՔԵՐՈՂ) ՆՅՈՒԹԵՐ
6. ՉԿԱՆԳՆԵԼ ԱՐԵՎԱՅԻՆ ՎԱՀԱՆԱԿՆԵՐԻ ՎՐԱ

Քայլերի հաջորդականությունը, որոնց պետք է հետևել վահանակները մաքրելիս.

1. Վահանակներ մաքրելը նախատեսել առավոտյան ժամը 6։00-7։00-ն կամ երեկոյան 18:00-ից հետո,
2. անջատել արևային վահանակները ինվերտորից՝ ձախ ներքևի մասում տեղակայված անջատիչով
3. ջորած ջուրը խառնել  փոքր քանակի սպասքի լվացման համար նախատեսված հեղուկի հետ,
4. փափուկ սպունգով մաքրել արևային վահանակները պատրաստված ջրային խառնուրդով,
5. պատրաստված ջրային խառնուրդը վահանակների վրա տարածելուց հետո լվանալ սպունգով կամ միկրոֆիբրե կտորով,
6. լավ լվանալ վահանակները ցածր ճնշմամբ ջրով՝ հիմնովին հեռացնելով օճառը,
7. թողնել վահանակները չորանան 30-45 րոպե, որից հետո միացնել ինվերտորը:

Իսկ առավել ԱՆՎՏԱՆԳ, ԱՆՎԱՆՍ ԵՎ ՊՐՈՖԵՍԻՈՆԱԼ մաքրելու համար կարող եք օգտվել Shtigen-ի  «Վահանակների լվացման ծառայությունից»։

«Արևային վահանակների մաքրման ուղեցույցը» կարող եք ներբեռնել այստեղից։