«Հայ-հնդկական հարաբերությունների զարգացումն առանձնահատուկ կարեւոր է, քանի որ մեր երկրներն ունեն դարավոր բարեկամություն․ պատմական տվյալները փաստում են, որ անգամ նախաքրիստոնեական շրջանում են գոյություն ունեցել հայ-հնդկական կապեր։ Իսկ արդեն 17-18-րդ դարերից այդ կապը նոր դրսեւորում է ստացել կրթական ու տնտեսական ոլորտներում։ Մեր նպատակն է զարգացնել այդ կապը՝ փոխադարձ ներդրում ունենալով երկու երկրների առաջընթացում»,- նշել է Հայկ Շեկյանը՝ հիշեցնելով, որ Հնդկաստանում հաստատված հայ գործարար Շահամիր Շահամիրյանը 1771-1772 թթ․  Մադրաս քաղաքում հիմնել է առաջին հայկական տպագրատունը, որտեղ եւ տպագրվել է աշխարհի առաջին սահմանադրական փաստաթուղթը՝ «Որոգայթ Փառաց»-ը»։

Հիշեցնենք նաեւ, որ 1700-ականների վերջին Մադրասի հայկական տպագրատանը լույս է տեսել նաեւ հայկական առաջին պարբերականը՝ «Ազդարար»-ը։ Իսկ արդեն 1821-ին Կալկաթայում բացվել է Հայոց մարդասիրական ճեմարանը, որի նպատակը Հնդկաստանում բնակվող հայ երեխաներին որակյալ կրթություն ապահովելն էր։

Խնայող եւ անվտանգ էներգետիկ համակարգերն ու տեխնոլոգիական լուծումներն  աշխարհի յուրաքանչյուր բնակչի հասանելի դարձնելու նպատակով՝ Shtigen Group-ը շուկայում է արդեն 12 տարի։ Shtigen Group-ի կազմում գործունեություն են ծավալում Shtigen Energy Systems (արեւային էներգետիկա), ENEREX (էլեկտրաէներգիայի ազատականացված շուկա), Andron (Neta ավտոբրենդի պաշտոնական ներկայացուցիչը ՀՀ-ում) ընկերությունները, ինչպես նաեւ Shtigen Ventures-ը։