Ճնշումով ջրատաքացման համակարգի աշխատանքը

Այս համակարգերի սկզբունքային տարբերությունը վակուումային խողովակներն են, որոնցում ջուր չի լցվում։ Խողովակների մեջ առկա է պղնձե ձող, որն էլ տաքանալով՝ բարձրացնում է ջերմակրի (որպես կանոն՝ չսառչող հեղուկի) ջերմաստիճանը։ Տաքացած ջերմակիրն էլ իր հերթին տաքությունը հաղորդում է բաքի ջրին։ Վակուումային խողովակները տեղադրվում են կտուրին, իսկ բաքը, որում հավաքվում է տաք ջուրը՝ շինության մեջ գտնվող կաթսայատանը։ Ջուրը սպառման կետ է հասնում ճնշումով։ Պահանջում է ավելի քիչ սպասարկում։ Բոնուս՝ մասնակի ջեռուցում հատուկ դեպքերում, երբ ամռանը տաք ջրի ծախսը մի քանի անգամ գերազանցում է այլ սեզոնների ծախսը։

Կիրառությունը։ հարմար է տաք ջրի խոշոր սպառողների՝ գործարանների, սննդի կետերի, հյուրանոցների, սպորտային համալիրների, որոշ դեպքերում նաև լողավազան ունեցող առանձնատների համար։

Առավելություն։ մեկ խողովակի վնասվելիս համակարգի աշխատանքը չի կանգնում՝ շարունակելով աշխատել մեկ վակուումային խողովակով պակաս հզորությամբ։

Թերություն։ ավելի ծախսատար է, քան անճնշում համակարգը։