Մայիսի 14-ին, տեղի ունեցավ մեր գործընկեր Ամերիաբանկի կողմից կազմակերպված Արևային էներգետիկայի համաժողովը։ Համաժողովի նպատակն էր բիզնեսի ներկայացուցիչներին հնարավորություն տալ ծանոթանալու արևային էներգիայի օգտագործման առավելություններին, արևային էլեկտրակայանների առանձնահատկություններին, ֆինանսավորման արդյունավետ սխեմաներին, առկա փորձին և տեղում ստանալ ամբողջական խորհրդատվություն արևային էներգիայի օգտագործման ողջ գործընթացի վերաբերյալ:
Solar Summit 2019
14 Մայիսի, 2019
20% cashback - այն հնարավորություն է տալիս hետ ստանալ արևային տեխնոլոգիաների ձեռք բերման համար տրամադրված վարկի մայր գումարի 20%-ը։
‟
Քննարկման կարևորագույն թեմաներից էր GEFF-ի (Հայաստանում Կանաչ տնտեսության ֆինանսավորում) կողմից ֆինանսավորվող 20% cashback-ի ծրագիրը, որը հնարավորություն է տալիս hետ ստանալ արևային տեխնոլոգիաների ձեռք բերման համար տրամադրված վարկի մայր գումարի 20%-ը։
Գործարարների հարցերին պատասխանեցին ՀՀ Էներգետիկ ենթակառուցվածքների և բնական պաշարների նախարարի պաշտոնակատար Հ․ Վարդանյանը, GEFF-ի տեխնիկական խորհրդատու Վ․ Խաչատրյանը, Ամերիաբանկի Լիզինգային գործառնությունների բաժնի ղեկավար Զ․ Բոստանջյանը և «Շտիգեն»-ի հիմնադիր-տնօրեն Հ․ Շեկյանը։
Բոլոր իրավաբանական անձանց կոչ ենք անում օգտվել նշված քեշբեքի ծրագրից, ինչը հնարավորություն կտա նվազեցնել կամ զրոյին մոտեցնել էներգետիկ ծախսերը՝ գրեթե չավելացնելով ընկերության վարկային բեռը։ Անվճար տեխնիկական ու ֆինանսական խորհրդատվության համար դիմեք մեզ +374 11 23 00 23 հեռախոսահամարով։
Հաջորդը