Ի դեպ, թանգարանը գտնվում է Պ․ Սևակի ծննդավայրում՝ Զանգակատուն գյուղում։ Վերջերս՝ սեպտեմբերի 29-ին, այստեղ մեծ շուքով նշեցին գյուղի 190-ամյակը։ Կար ևս մեկ կարևոր իրադարձություն՝ մեծն բանաստեղծի հոբելյանական 95-ամյակը։ Տոնախմբությանը սիրով և ուրախությամբ մասնակցեց նաև Շտիգենի թիմը։

Միջոցառման սկզբում Պ. Սևակի տուն-թանգարանի տնօրեն, բանաստեղծի թոռ Սևակ Ղազարյանը համառոտ ներկայացրեց Զանգակատուն գյուղի հիմնադրման պատմությունը։ 

Ապա տոնակատարությանը բարձր տրամադրություն և հետաքրքրություն հաղորդեցին  «Կարին» երգի-պարի համույթը և «Պոեզիայի թատրոն» թատերական խումբը։ Վերջինս ներկայացրեց փոքրիկ դրվագներ բանաստեղծի կյանքից։ Գյուղի բնակիչները համեղ հյուրասիրություն էին կազմակերպել՝ Զանգակատան ավանդական կերակրատեսակների ներկայացմամբ։

Հագեցած մշակութային գործունեություն և արևային օրեր ենք մաղթում Զանգակատան բնակիչներին և թանգարանի ողջ անձնակազմին։