Բազմաթիվ միֆեր են պտտտվում արևային էներգետիկայի շուրջ։ Առանձնացրել ենք դրանցից մի քանիսը և ներկայացրել իրականությունը՝ փաստերի վրա հիմնված։
Միֆ 1․ Ամպամած եղանակին կայանը չի աշխատում
Իրականություն․ կայանը շարունակում է աշխատել նույնիսկ ամպամած եղանակին։ Արտադրողականությունն, իհարկե, նվազում է, սակայն համակարգը չի դադարում գործել։
Միֆ 2․ Վահանակները կոտրվում են կարկուտից
Իրականություն․ արևային վահանակները պատրաստված է հարվածադիմացկուն ապակուց, որը փորձարկվում է կարկուտի, ուժեղ քամու և այլ արտաքին ազդեցությունների դիմակայելու համար։
Միֆ 3․ Արևային ջրատաքացուցչով կարող ենք տունն էլ ջեռուցել
Իրականություն․ ոչ, այդ սարքերը միայն ջուր են տաքացնում։ Ջեռուցման համար անհրաժեշտ է այլ սարք, օրինակ, ջերմային պոմպ։
Միֆ 4․ Եթե ցանցի հոսանքը գնա, իմ արևային կայանը միևնույն է, աշխատելու է
Իրականություն․ ցանցին միացված (on-grid) արևային կայաններն անջատվում են հոսանքի խափանման դեպքում։ Եթե ցանկանում եք անկախություն ցանցից, անհրաժեշտ է ունենալ նաև կուտակիչ մարտկոց (off-grid) կամ հիբրիդային համակարգ։
Միֆ 5․ Եթե արևը հոսանք է արտադրում ցերեկը, ապա լուսինը՝ գիշերը
Իրականություն․ Ոչ, լուսնի լույսը բավարար չէ էլեկտրաէներգիա արտադրելու համար։
Միֆ 6․ Արևային կայանները միլիարդատերերի համար են։
Իրականություն․ արևային սարքերը հասանելի են ավելի լայն շրջանակների ու բավականին շահավետ են։
ՄԻֆ 7․ Արևային վահանակները մի քանի տարվա կյանք ունեն։
Իրականություն․ վահանակները նախատեսված են առնվազն 25 տարի աշխատելու համար՝ պահպանելով բարձր արդյունավետություն նույնիսկ տասնամյակներ անց։
Միֆ 8․ Ջերմային պոմպով հնարավոր է միայն ջեռուցել տունը։
Իրականություն․ այս սարքերն ապահովում են ջեռուցում, հովացում և տաք ջուր։