Ցանցին միացված կայաններ

Սեփական սպառման համար տեղադրված այս Ֆոտովոլտային կայանները չեն հարկվում, լիցենզիայի կարիք չունեն։ Կուտակիչ մարտկոցներ չեն տեղադրվում, որի հաշվին տեղադրումը կայանի վրա կատարված ներդրումը զգալի մատչելի է դառնում։

Ընտանիքի կողմից սպառվող էլեկտրաէներգիան արտադադրվում է տան կտուրին տեղադրված արևային էլեկտրակայանի կողմից։

Ցանցին միացված կայանի աշխատանքը

Ֆիզիկական անձանց համար օրենսդրությամբ թույլատրելի է տեղադրել մինչև 150 կՎտ դրվածքային հզորության ցանցին միացված կայան (իրավաբանական անձանց համար այդ սահմանաչափը 500 կՎտ է)։ Սեփական կարիքների համար տեղադրված այս ֆոտովոլտային կայաններում կուտակչի գործառույթը իրականացնում է ազգային ցանցը («Հայաստանի Էլեկտրական Ցանցեր»-ը կամ «Արցախ Էներգո»-ն), որին միացված է էլեկտրակայանը։ Երբ տանը էլեկտրաէներգիայի սպառումն ավելին է, քան արտադրությունը, ցանցը մատակարարում է պակասուրդային էլեկտրաէներգիան։ Եթե արտադրությունը գերակշռում է սպառումը, ավելցուկային էլեկտրաէներգիան փոխանցում է ցանցեր՝ հետագայում նույնքան էլեկտրաէներգիա անվճար ստանալու պայմանով։ Փոխհոսքերը կարգավորվում են Net Metering-ի մեխանիզմի միջոցով։ Տան էլեկտահամակարգում կատարվող միակ փոփոխությունը սովորական գիշեր-ցերեկ հաշվիչը երկկողմանի հաշվիչով փոխարինումն է։

Առավելություն։ պահանջում են նվազագույն ներդրում և սպասարկում, երկարակյաց են

Թերություն։ ցանցերում հոսանքազրկման դեպքում կայանը էլեկտրաէներգիա չի գեներացնում։

Իրականացված նախագծեր

Արևային կայան Ռենդերֆորեսթում | B2B

Ռենդերֆորեսթ ընկերության գրասենյակի տանիքին «Շտիգեն էներգետիկ համակարգեր» ընկերության կողմից տեղադրվել է 9,4 կՎտ դրվածքային հզորությամբ արևային էլեկտրակայան։

Հուլիսի 30, 2019
6,5 կՎտ հզորությամբ Ֆոտովոլտային կայան Ձորաղբյուրում

Համակարգը տեղադրվել է Ձորաղբյուր գյուղում, ունի 6,5 կՎտ դրվածքային հզորություն:

Ապրիլի 29, 2017
5․2 կՎտ հզորության Ֆոտովոլտային կայան Գառնիում

Եվս մեկ ֆոտովոլտային կայան, այս անգամ՝ Կոտայքի մարզի գյուղական համայնքներից մեկում՝ «Շտիգեն»-ի ամենապահանջկոտ…

Հոկտեմբերի 27, 2017
Շահագործման է հանձնվել Հայաստանի ամենամեծ տանիքային արևային կայանը

«Շտիգեն Էներգետիկ համակարգեր» ընկերությունը «Գետամեջ»-ի թռչնաֆաբրիկայում տեղադրել է 237,6 կՎտ դրվածքային հզորության արևային (ֆոտովոլտային) կայան, որը Հայաստանում մինչ օրս տեղադրված ամենամեծ տանիքային արևային կայանն է։

Հուլիսի 31, 2018