Արևային տեխնոլոգիաները զարգանում են՝ էներգիայի արդյունավետ արտադրության, տարածքի օպտիմալ օգտագործման և ճարտարապետական հետաքրքիր լուծումների հնարավորություններ ստեղծելով։
Առանձնացրել ենք մի քանի նորարարական լուծում, որոնք փոխում են մեր ավանդական պատկերացումները վերականգնվող էներգետիայի վերաբերյալ։

Կիսաթափանցիկ վահանակներ

Շվեյցարական Climacy ընկերությունը թողարկել է 400 Վտ հզորությամբ կիսաթափանցիկ արևային վահանակներ, որոնք երկկողմանի ապակի են։ Այն հարմար է բնակելի, առևտրային և արդյունաբերական շենքերի տանիքներին և պատերին տեղադրելու համար։
20% թափանցիկությամբ վահանակը հնարավորություն է տալիս ներսում ավելի շատ բնական լույս ստանալ։


Նոր թրենդ՝ արևային ցանկապատ

Գերմանիայում սկսել են արևային ցանկապատեր կառուցել։ Այս նորարարական լուծումը ոչ միայն սահմանազատում է տարածքը կամ ապահովում տների անվտանգությունը, այլև մաքուր էներգիա արտադրում։

Արևային տանիք

Աշխարհում մշակվել է մի տեխնոլոգիա, որը հնարավորություն է տալիս արևային վահանակներն ինտեգրել տանիքին այնպես, որ չառանձնանա որևէ կերպ։


Արևային տեխնոլոգիաներ տիեզերքում

Տիեզերական արևային կայանների (space-based solar power) նպատակը արևային էներգիան մթնոլորտից դուրս հավաքելն ու ադիոալիքների միջոցով Երկիր փոխանցելն է։ Թեև այս տեխնոլոգիան դեռևս փորձարարական փուլում է, այն համարվում է ապագայի խոստումնալից ուղղություններից մեկը։