«Շահառուի դիտանկյունից կարող է թվալ, թե այդ գործընթացում չկա որևէ բարդ կամ մասնագիտական հատուկ գիտելիք պահանջող տարր։ Սակայն մենք՝ մասնագետներս, հաճախ ենք նկատում էլեկտրաէներգետիկ ենթակառուցվածքների համար առանցքային նշանակություն ունեցող տրանսֆորմատորային ենթակայանների հանգույցի նկատմամբ ոչ մասնագիտական մոտեցումներ, ինչի հետևանքով տուժում է ընդհանուր համակարգը»,- ասում է Տիգրան Գրիգորյանը։

Ըստ մասնագետների՝ այս հանգամանքը բացասաբար է անդրադառնում նաև հայկական ընկերությունների վարկանիշի և միջազգային մրցունակության վրա:

«Հենց այդ խնդրների լուման նպատակով մենք համագործակցության ձեռք մեկնեցինք ոլորտում իր արհեստավարժությամբ աչքի ընկնող և մասնագիտական լավագույն ավանդույթները պահպանող ընկերությանը՝ վստահ լինելով, որ համատեղ ուժերով նոր չափորոշիչներ և մրցակցային նշաձողեր կսահմանենք էներգետիկ ոլորտում իրականացվող նախագծերի համար»,- ասում է Հայկ Շեկյանը։

Shtigen Group-ի և «Էլեկտրասեվկավմոնտաժ»-ի համագործակցությամբ պատվիրատուներին կառաջարկվի «from sun to wire» (արևից՝ հաղորդալար) մեխանիզմով համալիր լուծումներ։