Դասընթացները վարելու են Shtigen Group-ի առաջատար մասնագետները, որոնք նվազագույնը 5 տարի արևային էներգետիկայի ոլորտում են գործունեություն ծավալում՝ դառնալով երկրում արևային ոլորտի կայացման անմիջական մասնակիցը։ «Երբ մենք էինք մտնում շուկա, ցավոք, կրթական համակարգված նյութեր չկային։ Տարիների ընթացքում մեզ հաջողվեց կուտակել համապատասխան գիտելիք ու փորձ և մշակել արևային էներգետիկային վերաբերող խորքային ուսումնական նյութեր։ Դրանք, կարելի է ասել, լիարժեք ակադեմիական դասընթացների բովանդակություն են ապահովում։ Shtigen Group-ը մեծ պատրաստակամությամբ իր գիտելիքները փոխանցում է երիտասարդներին՝ փորձելով նրանց համար ավելի սահուն մուտք ապահովել ոլորտ»,- ասում է Shtigen Group-ի կրթական ծրագրերի ղեկավար, Shtigen Academy նախագծի հիմնադիր Անի Աղաջանյանը՝ շեշտելով, որ կայուն և զարգացող են միայն տնտեսության այն ոլորտները, որտեղ սերունդների միջև կա գիտելիքի չընդհատվող հոսք։

Ծրագիրը լինելու է շարունակական և ընդգրկելու է Shtigen Group-ի գործունեության մյուս ոլորտները ևս, այդ թվում՝ էլեկտրամոբիլների։