«Թուֆենկյան ավանդական Երևան» հյուրանոցը միացավ մաքուր արևային էներգիա օգտագործող հյուրանոցների շարքին: Հյուրանոցում տեղադրվել և արդեն շահագործվում է 1,140 վակուումային խողովակներից բաղկացած արևային ջրատաքացուցիչ համակարգ:
Արևային ջրատաքացուցիչ «Թուֆենկյան ավանդական Երևան» հյուրանոցում
12 Հունվարի, 2016
«Թուֆենկյան ավանդական Երևան» հյուրանոցի շենքի արտաքին տեսքի նկատմամբ պահանջները պահպանելու նպատակով «Շտիգեն» ընկերության կողմից արևային ջրատաքացուցիչներն այնպես են տեղադրվել տանիքին, որ տեսանելի չլինեն փողոցից:
‟
Արևային ջրատաքացման այս համակարգն ինտեգրված է գոյություն ունեցող կաթսայատանը. գազի կաթսան միանում է միայն, երբ արևային էներգիան բավարար չէ, օրինակ, մառախլապատ եղանակին հյուրանոցի բարձր ծանրաբեռնվածության դեպքում:
Ամռանը ապահովվում է նաև բացօդյա լողավազանի ջրի տաքացումը: Համակարգը կապահովի տարեկան մոտ 3.5 մլն դրամ խնայողություն հյուրանոցի համար:
2015թ-ին Շտիգենն իրականացրեց մի շարք նման նախագծեր հանրապետության տարբեր տարածքներում, իսկ սա առաջին նմանատիպ նախագիծն է Երևանի սրտում: Նշենք նաև, որ «Թուֆենկյան ավանդական Երևան» հյուրանոցի շենքի արտաքին տեսքի նկատմամբ պահանջները պահպանելու նպատակով արևային ջրատաքացուցիչներն այնպես են տեղադրվել տանիքին, որ տեսանելի չլինեն փողոցից:
