Call Us: +374 91 19 28 18
Ձմեռային ռեժիմ. միացրեք Շտիգեն ջրատաքացուցչի տաքացնող լարը Ձմեռային ռեժիմ. միացրեք Շտիգեն ջրատաքացուցչի տաքացնող լարը

Ձմեռային ռեժիմ. միացրեք Շտիգեն ջրատաքացուցչի տաքացնող լարը

Հարգելի հաճախորդներ,

«Շտիգեն»-ը հիշեցնում է, որ եղանակային պայմանների վատթարացմանը զուգահեռ,  թերմոսիֆոն տեսակի արևային պարզ ոչ ճնշումային ջրատաքացուցչի բոլոր սեփականատերերը 00C-ից ցածր ջերմաստիճանների ժամանակ պետք է միացնեն սարքի տաքացնող լարը՝ խողովակների սառեցումներից խուսափելու համար:

ԱԻՆ Հիդրոմետ ծառայությունը տեղեկացնում է, որ հոկտեմբերի 27-ի լույս 28-ի գիշերը Արարատի և Արմավիրի մարզերում օդում սպասվում է 0…-2, իսկ հողի մակերևույթին` -3…-4 աստիճան ցուրտ և գյուղատնտեսներին խորհուրդ է տալիս նշված մարզերում կատարել բերքահավաք:

Ինչպես է միացվում «Շտիգեն» ջրատաքացուցչի տաքացնող լարը

Սեղմեք կառավարման վահանակի վրա առկա տաքացնող լարի կոճակը, կթարթի տաքացնող լարի նշանը(տեսեք նկարում):

SR500 տիպի կառավարման վահանակի վրա առկա տաքացնող լարի կոճակը՝ ձախից երկրորդը, սեղմեք և բաց թողեք, իսկ  տաքացնող լարի աշխատանքի դադարները կարգավորեք “+” կամ “-” կոճակներով:

SR501 տիպի կառավարման վահանակի վրա առկա տաքացնող լարի կոճակը՝ մեջտեղի վերևի կոճակը սեղմեք և սեղմած պահեք 3 վայրկյան, իսկ  տաքացնող լարի աշխատանքի դադարները կարգավորեք մեջտեղի վերևի և ներքևի կոճակներով։

 

Եթե ընտրեք 0-ն, ապա տաքացնող լարը կաշխատի անդադար: Այս դեպքում պետք է ուշադիր լինել և անջատել այն, երբ այլևս դրա անհրաժեշտությունը չկա: Տաքացնող լարի աշխատանքի տևողությունը 10 րոպե է, իսկ դադարի տևողությունը` ըստ Ձեր նախընտրած կարգաբերման: Ակտիվացված վիճակում տաքացնող լարը պարբերաբար միանում և անջատվում է: Այս գործառույթը անջատելու համար կրկին սեղմեք համապատասխան կոճակը:

Նոր սակագին արդյունաբերական մասշտաբի Ֆոտովոլտայի կայանների համար Նոր սակագին արդյունաբերական մասշտաբի Ֆոտովոլտայի կայանների համար

Նոր սակագին արդյունաբերական մասշտաբի Ֆոտովոլտայի կայանների համար

ՀՀ հանրային ծառայությունները կարգավորող հանձնաժողովը 2018 թվականի հոկտեմբերի 24-ի նիստում քննարկել է արևային և հողմային էլեկտրակայանների կառուցման նպատակով նոր լիցենզիաների տրամադրման, նոր սահմանաչափերի ամրագրման և սակագնային քաղաքականության իրականացման հիմնական կարգավորումների սահմանման մասին հարցերը:
Հանձնաժողովը ընդունել է համապատասխան որոշում, համաձայն որի նախատեսվում է մինչև 5 ՄՎտ հզորությամբ հիշյալ էլեկտրակայանների կառուցման և շահագործման նպատակով տրամադրել համապատասխան լիցենզիաներ, ընդ որում՝ արևային էլեկտրակայանների մասով, մինչև 2019թ. դեկտեմբերի 31-ը ներառյալ, գումարային 100 ՄՎտ հզորության շրջանակում, իսկ հողմային էլեկտրակայանների մասով՝ առանց գումարային հզորության սահմանափակման։

Հստակեցվել են նաև սակագնային քաղաքականության կարգավորումները՝ ամրագրելով, որ նշված էլեկտրակայաններից առաքվող էլեկտրական էներգիայի սակագները կսահմանվեն 23,864 դրամ/կՎտժ ՝ առանց ԱԱՀ-ի (բնական ջրահոսքերի վրա կառուցված փոքր ՀԷԿ-երի սակագնին հավասար), պայմանով, որ սակագնի առաջին որոշումը ընդունվում է մինչև 2020թ. դեկտեմբերի 31-ը (ներառյալ), իսկ սակագնի առաջին որոշումը 2021թ. հունվարի 1-ից հետո ընդունվելու դեպքում՝ սակագները կսահմանվեն, 2020թ. հունվարի 1-ից հետո տվյալ տեսակի կայանի լիցենզիա ստացող անձանց համար սահմանված, սակագնային կարգավորմանը համաձայն։


«Շտիգեն»-ը, որպես Հայստանում այս պահին գործող 10ՄՎտ ընդհանուր հզորությամբ արդյունաբերական մասշտաբի էլեկտրակայաններից 4,6ՄՎտ-ի դիզայնն ու ինժեներինգն իրականացնող ընկերություն (Ծանոթացեք այդ կայաններից մեկին այստեղ https://bit.ly/2O33TRW), հրավիրում է համագործակցության ոլորտով հետաքրքրվող ներդրողներին։ Արդյունաբերական մասշտաբի ՖՎ կայան կառուցելու համար կարող եք զանգահարել մեր գրասենյակ՝ +374 11 23 00 23 կամ տնօրենին՝ +374 91 19 25 18։

Արևային էներգիայի համաշխարհային առաջատարներից Fronius-ի թրեյնինգը Հայաստանում Արևային էներգիայի համաշխարհային առաջատարներից Fronius-ի թրեյնինգը Հայաստանում

Արևային էներգիայի համաշխարհային առաջատարներից Fronius-ի թրեյնինգը Հայաստանում

          Հայաստանի արևային էներգիայի խոշորագույն մատակարար, արևային էներգետիկայի առաջատար «Շտիգեն» ընկերության ավստրիական գործընկերը՝ աշխարհի լավագույն ինվերտորներ (փոխակերպիչներ) արտադրող, շուկայի առաջատար «Ֆրոնիուս» ընկերությունը այս տարվա նոյեմբերի 14-15-ը կիրականացնի դասընթաց, որին կարող են մասնակցել ինժեներները, տեխնիկակակն մասնագետները, արևային մարտկոցներ և ինվերտորներ տեղադրողները, էներգախնայողության գաղափարի կողմնակիցները ինչպես նաև նրանք, ովքեր ցանկանում են աշխատանք գտնել վերականգնվող էներգիայի ոլորտում։                                                                                                                                                                                                              Այս վերապատրաստման դասընթացում, Ֆոտովոլտային կայաններ տեղադրող ընկերությունների տեխնիկական աշխատողները կսովորեն այն ամենը, ինչ անհրաժեշտ է իմանալ Fronius PV ինվերտորների և համակարգերի մոնիտորինգի սարքերի տեղադրման, շահագործման և սպասարկման մասին: Վերապատրաստման դասընթացը հիմնված է Fronius SnapINverter սերնդի վրա և ունի պրակտիկ բնույթ: Դասընթացի մասնակիցը կսովորի, թե ինչպես փոխարինել ինվերտորի բաղադրիչները`օգտագործելով իրական սարքը: Դասընթացի լավագույն մասնակիցները կստանան աշխատանքի հնարավոորություն «Շտիգեն» ընկերության կողմից։
Այս երկօրյա ուսումնական դասընթացին մասնակցությունը Ձեզ հնարավորություն կտա դառնալու Fronius Service լիազորված գործընկեր և ծառայություններ մատուցել Fronius ողջ արտադրանքի տիրույթում, ինչպես նաև աշխատանքի անցել Shtigen-ում։ Բաց մի թողեք Fronius-ի վերջին արտադրանքների մասին սովորելու Ձեր հնարավորությունը և ստանալու աշխատանքի առաջարկ արևային էներգետիկայի Հայաստանյան առաջատար «Շտիգեն» ընկերությունից։

Օրակարգ
Օր 1 / 14․10․2018

  • Ներածություն
  • Fronius ինվերտերները մի հայացքով
  • Fronius SnapINverter ինվերտեր
  • Fronius Symo / ECO ինվերտերներ
  • Անսարքությունների վերացում / Display
  • Գործնական մաս Fronius Symo, Eco, Primo 10-25kW

Օր 2 / 15․10․2018

  • 1-ին օրվա ամփոփում
  • Համակարգի մոնիտորինգ Fronius
  • Տվյալների մենեջեր
  • Էներգիայի կառավարման տարբերակները
  • Fronius DATCOM & Սենսորներ
  • Համակարգի նախագծում, Fronius կոնֆիգուրատոր
  • Fronius Service Partner-ի ծառայության մատուցման գործընթացը
  • Նորություններ և հետադարձ կապ

Մասնակցության համար գրանցվեք այստեղ՝ https://www.fronius.com/en/photovoltaics/infocentre/events/training-en-fsp-armenia-14112018

Ուսանողների այց տարածաշրջանի խոշորագույն արևային ջերմային կայան Ուսանողների այց տարածաշրջանի խոշորագույն արևային ջերմային կայան

Ուսանողների այց տարածաշրջանի խոշորագույն արևային ջերմային կայան

Տամբովի համալսարանի ուսանողները, որոնք Հայաստանում անցկացնում էին կարճաժամկետ պրակտիկա Հայաստանի ազգային պոլիտեխնիկական համալսարանի հովանու ներքո, այսօր այցելեցին տարածաշրջանի խոշորագույն՝ 1,5 ՄՎտ պիկային հզորությամբ ջերմային կայանը «Գրանդ Սպորտ» սպորտային համալիրում։ «Շտիգեն էներգետիկ համակարգեր» ընկերության հիմնադիր Հայկ Շեկյանը ուսանողներին ներկայացրեց ջերմային կայանի աշխատանքի մեխանիզմը, կառուցվածքը, սարքավորումների մատակարարման ու շինարարության ընթացքում ծագած խնդիրները։ Ներկայացվեց նաև, թե տարեկան որքան խնայողություն է ունենում սեփականատերը այս կայանի գործարկման արդյունքում, ինչպես նաև այս և համանման նախագծերի ֆինանսավորման պայմանները Հայաստանում։

Ուսանողները հնարավորություն ստացան նաև տեսնելու նույն ընկերության համար տեղադրված 22կՎտ դրվածքային հզորությամբ ֆոտովոլտային կայանը, գործնականում ծանոթանալ ֆոտովոլտային կայանների տեղակայման, մոնտաժման, գործարկման և մոնիտորինգի մի շարք առանձնահատկությունների հետ։

Shtigen-ի արևային վահանակների մատակարարը՝ Toyota-ի ռազմավարական գործընկեր Shtigen-ի արևային վահանակների մատակարարը՝ Toyota-ի ռազմավարական գործընկեր

Shtigen-ի արևային վահանակների մատակարարը՝ Toyota-ի ռազմավարական գործընկեր

Աշխարհի լավագույն արևային վահանակներ արտադրող ընկերություններից մեկը՝ Sunpower-ը, որի էքսկլյուզիվ ներկայացուցիչը Հայաստանում «Շտիգեն էներգետիկ համակարգեր» ընկերությունն է, հանդիսանում է Toyota-ի արևային գործընկերը։

Աշխարհի խոշորագույն ավտոարտադրողներից մեկը՝ Toyota-ն իր հաստատություններում տեղադրել է մեր գործընկեր Sunpower ընկերության արևային էլեկտրակայաններ՝ գումարային 16ՄՎտ հզորությամբ։

Toyota-ի համար ռազմավարական նշանակություն ունի շրջակա միջավայրի պահպանությունը։ Նրա տեսլականն է արևային էներգիայի միջոցով ածխածնի երկօքսիդի արտանետումները դարձնել զրոյական։ Այդ նպատակով ավտոարտադրող ընկերությանը անհրաժեշտ էր արևային էներգիայի ոլորտի վստահելի մատակարար։ Երկար փնտրտուքից հետո ընտրությունը կանգ առավ ավելի քան 30 տարի շուկայում գործող, արևային վահանակներ արտադրող Sunpower-ի վրա։

Երկու ընկերությունների բարեկամության հիմքը դրվել է դեռևս 2002 թվականին՝ 536կՎտ դրվածքային հզորությամբ կայանի տեղադրմամբ։

  • Sunpower-ի գլխամասային գրասենյակը գտնվում է Ամերիկայի Միացյալ Նահանգների Սիլիկոնային հովտում,
  • Հիմնադրվել է 1985 թվականին,
  • Ընկերության վահանակների միջոցով արտադրված էլեկտրաէներգիան ավելին է, քան 18,000,000 ՄՎտ ժամում,
  • Արտադրում է աշխարհի ամենաարդյունավետ ֆոտովոլտային վահանակները՝ SunPower® Maxeon® բջջի տեխնոլոգիայով,
  • Ունի արևային տեխնոլոգիային վերաբերող ավելի քան 750  արտոնագիր։

Արևային էներգիան կարող  է փրկել մեղուներին ?! Արևային էներգիան կարող  է փրկել մեղուներին ?!

Արևային էներգիան կարող է փրկել մեղուներին ?!

Բնապահպանները մտահոգված են փոշոտում իրականացնող մեղուների և այլ միջատների թվաքանակի նվազման խնդրով։ Միջատների պոպուլյացիան վերականգնելու համար նրանք հետազոտում են արևային էներգիայի ստացման աղբյուր հանդիսացող արևային վահանակները, որոնք չեն վնասում միջատներին և կարող են դառնալ  յուրօրինակ ապաստարան նրանց համար։

Գիտնականների նպատակն է պահպանել և այնուհետև մեծացնել համաշխարհային գյուղատնտեսության մեջ մեծ դեր ունեցող փոշոտում իրականացնող միջատների պոպուլյացիան։ Նրանց անհետացումը կարող է գլոբալ հիմնախնդիրների պատճառ դառնալ, քանի որ միջատները փոշոտում են ամբողջ աշխարհում  պիտանելի մշակաբույսերի մոտավորապես 75%-ը։

Մարդածին և բնածին աղետները, շրջակա միջավայրի աղտոտումը անդառնալի վնաս են հասցրել և հասցնում բնությանը։ Օրեցօր այդ վնասի չափն ավելանում է։ Այս ամենը հանգեցրել է նրան, որ մեղուները և այլ փոշոտում իրականացնող միջատները այլևս չեն կարող գոյատևել իրենց համար նախատեսված բնակեցման տարածքում, որի արդյունքում էլ նրանց թվաքանակը  նշանակալիորեն նվազել է։ Գիտնականների համար գերխնդիր է դարձել մեղուների բնակության համար բարենպաստ պայմաններ ստեղծելը։

Ուսումնասիրելով հազարավոր տարածքներ, որտեղ տեղադրված են եղել արևային վահանակներ, մասնագետները բացահայտել են, որ արևային վահանակների շրջակայքը կարող է դառնալ կատարյալ վայր այն մշակաբույսերի համար, որոնք գրավում են փոշոտողներին։

Այսպիսով՝ արևային էներգիան հնարավորություն կտա վերականգնելու միջատների բնակության տարածքի էկոհամակարգը։

Կարելի է եզրակացնել, որ արևային էներգիայի կիրառումը գյուղատնտեսությանը՝ հողօգտագործման տեսանկյունից ոչ թե վնասակար է, այլ շատ ավելի օգտակար։

Հաշվի առնելով այն փաստը, որ մեղուների համար առավել նպաստավոր է գոյոտևել   արևային վահանակների շրջակայքում, մեղվաբուծները, իրենց տնտեսություններում տեղադրելով արևային վահանակներ, կշահեն կրկնակի։ Արևային համակարգերի օգտագործումը գյուղատնտեսությունում հնարավորություն կտա պահպանել ջրային ռեսուրսների պաշարները   և կրճատել ածխածնի երկօքսիդի արտանետումները։

Նշենք, որ այս հետազոտությունը աշխարհում առաջիններից է, որը ցույց է տալիս, թե որքան արդյունավետ է  արևային վահանակների կիրառումը գյուղատնտեսությունում։

Արևային էլեկտրակայանի՝ Ձեր տնտեսությանը անհրաժեշտ հզորությունը հաշվարկելու համար օգտվեք «Շտիգեն»-ի անվճար հաշվիչից։