Call Us: +374 91 19 28 18
Solar Summit 2019 Solar Summit 2019

Solar Summit 2019

Մայիսի 14-ին, տեղի ունեցավ մեր գործընկեր Ամերիաբանկի կողմից կազմակերպված Արևային էներգետիկայի համաժողովը։

Համաժողովի նպատակն էր բիզնեսի ներկայացուցիչներին հնարավորություն տալ ծանոթանալու արևային էներգիայի օգտագործման առավելություններին, արևային էլեկտրակայանների առանձնահատկություններին, ֆինանսավորման արդյունավետ սխեմաներին, առկա փորձին և տեղում ստանալ ամբողջական խորհրդատվություն արևային էներգիայի օգտագործման ողջ գործընթացի վերաբերյալ: Քննարկման կարևորագույն թեմաներից էր GEFF-ի (Հայաստանում Կանաչ տնտեսության ֆինանսավորման ծրագրի) կողմից ֆինանսավորվող 20% քեշբեքի ծրագիրը, որը հնարավորություն է տալիս hետ ստանալ արևային տեխնոլոգիաների ձեռք բերման համար տրամադրված վարկի մայր գումարի 20%-ը և տնօրինել այն ըստ հայեցողության։

Կոնֆերանսի ընթացքում տեղի ունեցած պանելային քննարկմանը ՀՀ Էներգետիկ ենթակառուցվածքների և բնական պաշարների նախարարի պաշտոնակատար Հակոբ Վարդանյանի, GEFF-ի տեխնիկական խորհրդատու Վարդան Խաչատրյանի, Ամերիաբանկի Լիզինգային գործառնությունների բաժնի ղեկավար Զարուհի Բոստանջյանի հետ մեկտեղ գործարարների հարցերին պատասխանեց նաև «Շտիգեն»-ի հիմնադիր-տնօրեն Հայկ Շեկյանը։

Բոլոր իրավաբանական անձանց կոչ ենք անում օգտվել նշված քեշբեքի ծրագրից, ինչը հնարավորություն կտա նվազեցնել կամ զրոյին մոտեցնել էներգետիկ ծախսերը՝ գրեթե չավելացնելով ընկերության վարկային բեռը։ Անվճար տեխնիկական ու ֆինանսական խորհրդատվության համար դիմեք մեզ +374 11 23 00 23 հեռախոսահամարով։

 

«Շտիգեն»-ի ևս մեկ համակարգային կայան ստացավ տեխնիկական բարձր եզրակացություն «Շտիգեն»-ի ևս մեկ համակարգային կայան ստացավ տեխնիկական բարձր եզրակացություն

«Շտիգեն»-ի ևս մեկ համակարգային կայան ստացավ տեխնիկական բարձր եզրակացություն

Սույն թվականի մարտի 28-ին տեղի ունեցավ այցելություն Գեղարքունիքի մարզում վերջերս շահագործման հանձնված 2 ՄՎտ գումարային հզորությամբ Արտանիշ 1 և 2 համակարգային արևային էլեկտրակայաններ։ Այցելուների շարքում էին կայանների տեխնիկական խորհրդատու Ficհtner-ի, ինչպես նաև կայանի ֆինանսավորող կողմի՝ Հայ Գերմանակնա ֆոնդի (GAF) ներկայացուցիչները: Արտանիշ 1-ի և 2-ի սեփականատիրոջ, կայանների դիզայնի ու կառուցման պատասխանու «Շտիգեն» ընկերության տնօրեն Հայկ Շեկյանի հետ միասին այցելուները շրջեցին էլեկտրակայանների տարածքում, ծանոթացան տեխնիկական լուծումներին և կայանների աշխատանքին։ Այցի նպատակն էր իրականացնել թվով երրորդ և վերջին պլանային մոնիտորինգը, որի արդյունքներով կայանները ստացան բարձր գնահատական տեխնիկական խորհրդատու Ficհtner-ի կողմից։


Եթե ցանկանում եք ներդրում կատարել արևային համակարգային կայաններում, լրացրեք այս հայտը և մենք սեղմ ժամկետում կապ կհաստատենք Ձեզ հետ։

 

 

 

Շրջայց «Կռունկ 1» համակարգային կայանում Շրջայց «Կռունկ 1» համակարգային կայանում

Շրջայց «Կռունկ 1» համակարգային կայանում

Ս․ թ․ մարտի 18-ին, գերմանական KfW զարգացման բանկի Արևելյալ Եվրոպայի, Կովկասի ու Կենտրոնակական Ասիայի  տարածաշրջանային տնօրեն Օլաֆ Զիմելկան, բանկի Հայաստանյան ծրագրերի համակարգող Բելլա Անդրիասյանը և «Շտիգեն էներգետիկ համակարգեր» ընկերության տնօրեն, վերականգնվող էներգետիկայի փորձագետ Հայկ Շեկյանը այցելեցին բանկի միջոցներով, «ԱԳԲԱ լիզինգ»-ի կողմից ֆինանսավորված, «Շտիգեն»-ի կողմից կառուցված «Կռունկ 1» համակարգային արևային էլեկտրակայան։ Հյուրերը շրջեցին կայանի տարածքում, ծանոթացան կիրառված տեխնիկական լուծումներին և կայանի՝ շահագործումից մինչև օրս արձանագրած արտադրողականության ցուցանիշներին։ Հյուրերը գոհունակություն հայտնեցին կատարված աշխատանքի և արձանագրված ցուցանիշների վերաբերյալ։ Քննարկվեցին նաև ոլորտի հետագա ֆինանսավորման հնարավորությունները, համակարգային արևային կայանների հետագա նախագծերի իրականացման համար անհրաժեշտ ֆինանսական միջոցների պակասուրդի վերացման և Հայաստանում արևային էներգետիկայի զարգացման համար անհրաժեշտ լրացուցիչ միջոցների ներգրավման հնարավորությունները։

 

Արևային խնայող համակարգեր՝ Սիսիանի թիվ 4 մանկապարտեզում Արևային խնայող համակարգեր՝ Սիսիանի թիվ 4 մանկապարտեզում

Արևային խնայող համակարգեր՝ Սիսիանի թիվ 4 մանկապարտեզում

Սիսիանի թիվ 4 մանկապարտեզում «Շտիգեն էներգետիկ համակարգեր» ընկերության կողմից տեղադրվել են արևային սարքավորումներ` արևային էլեկտրակայան և թերմոսիֆոն տիպի արևային ջրատաքացուցիչ։ Արևային համակարգերը տեղադրվել են «Նախակրթարաններում վերականգնվող էներգետիկայի և էներգախնայողության» ծրագրի շրջանակներում։ Ծրագիրն իրականացվել է Ճապոնիայի միջազգային համագործակցության գործակալության՝ JICA-ի 2018 թվականի «Մինի Գրանտ» ծրագրի  դրամաշնորհային միջոցներով:

«Շտիգեն»-ի  կողմից տեղադրվել են արևային վահանակների շուկայի առաջատարներից  Talesun ընկերության պոլիկրիստալային տիպի մոդուլներ, ինչպես նաև Kstar ընկերության ինվերտեր (Shtigen-ը Kstar-ի էքսկլյուզիվ ներկայացուցիչն է տարածաշրջանում)։ Արևային կայանի դրվածքային  հզորությունը 2,6 կՎտ է, որի տարեկան արտադրած 4000կՎտ*ժ էլեկտրաէներգիայի շնորհիվ նախակրթական ուսումնական հաստատությունը կխնայի տարեկան   168 000 ՀՀ դրամ։  Մանկապարտեզի տանիքին տեղադրված կայանը կկրճատի շրջակա վիջավայր արտազատվող ածխաթթու գազի ծավալը տարեկան 1,8 տոննայով։

Տեղադրվել է նաև Shtigen ջրատաքացուցիչ 300 լիտր բաքի ծավալով: Shtigen ջրատաքացուցիչի տարեկան խնայողությունը կկազմի 100000-120000 դրամ։ Այս արևային սարքավորումը կկրճատի շրջակա միջավայր չարտազատված ածխաթթու գազի ծավալը  տարեկան մոտ 1,5 տոննայով։ Կատարված աշխատանքների վերջնական արդյունքին ծանոթանալու նպատակով Սիսիանի թիվ 4 մանկապարտեզ էին այցելել Սիսիանի համայնքի ղեկավար Արթուր Սարգսյանը, JICA-ի ներկայացուցիչները, ինչպես նաև Սյունիքի մարզպետարանի աշխատակիցներ: «Շտիգեն» ընկերության Մարքեթինգի տնօրեն՝ Անի Աղաջանյանի և նախակրթարանի դաստիարակների կողմից փոքրիկ «արևների» և «ամպիկների» մասնակցությամբ  կազմակերպվել էր միջոցառում՝ կայանի բացման կապակցությամբ։

Միջոցառումը  բաց չթողնելու համար հետևեք մեր սոցիալական մեդիայի էջերին։

Հիշեցնենք, որ «Շտիգեն» ընկերությունը մեր 2 ապագաներին՝ երեխաներին ու վերականգնվող էներգետիկան, «ընկերացնելու» նպատակով հանդես է եկել  նաև ShtigenKids նախագծով։

Սիսիանում իրականացվող ծրագրի մանրամասներին կարող եք ծանոթանալ այստեղ։

Արևային էներգետիկայի թիվ 1 հարկատուն Արևային էներգետիկայի թիվ 1 հարկատուն

Արևային էներգետիկայի թիվ 1 հարկատուն

Հայաստանի Հանրապետության Պետական եկամուտների կոմիտեն հրապարակել է «2018թ. հունվար-դեկտեմբեր ամիսների արդյունքներով առաջին 1000 խոշոր հարկ վճարողների և նրանց կողմից վճարված հարկերի մեծությունների» ցանկը: Հպարտ ենք տեղեկացնել, որ սույն ցանկում «Շտիգեն էներգետիկ համակարգեր» ընկերությունը վճարված 268 միլիոն 530 հազար ՀՀ դրամ ընդհանուր հարկերով զբաղեցնում է 553-րդ հորիզոնականը՝ հանդիսնալով Հայաստանի N1 արևային ընկերությունը նաև վճարված հարկերի ցուցանիշով: 2019 թվականին «Շտիգեն»-ը շարունակելու է նույն եռանդով արևայնացնել Հայաստանն ու Արցախը ներդնելով ամենաարդյունավետ տեխնոլոգիաները լավագույն գներով, բարձրացնելով բնակչության կենսամակարդակը, երկրների էներգետիկ անվտանգությունը, պաշտպանելով շրջակա միջավայրը։

Ամփոփում ենք «Շտիգեն Քիդս» նախագծի առաջին փուլը Ամփոփում ենք «Շտիգեն Քիդս» նախագծի առաջին փուլը

Ամփոփում ենք «Շտիգեն Քիդս» նախագծի առաջին փուլը

2018 թվականի ամռանը մեկնարկած «Շտիգեն Քիդս» նախագծն արդեն տվել է իր առաջին պտուղները։ Նախագծի մասը կազմող «Վերականգնվող էներգետիկայի հիմունքները» խորագրով դասընթացին մասնակցել է 5-ից 12-րդ դասարանի 770 աշակերտ, որից 650-ը՝ առցանց տարբերակով։ Մասնակիցել են Հայաստանի բոլոր մարզերի ու Արցախի աշակերտները։ Հատկապես մեծ ակտիվություն են ցուցաբերել Լոռվա, Արմավիրի, Տավուշի և Արագածոտնի մարզերը։ Դասընթացի վերջում բոլոր աշակերտները լրացրել են ստացած գիտելիքները ամրապնդող և ստուգող առցանց թեստ, որի արդյունքներով մասնակիցների 47%-ը ստացել է գերազանց գնահատական։ Ամենաբարձր միջին գնահատականը ստացել են 9-րդ դասարանի աշակերտները, իսկ ամենամեծ  մասնակցությունը ցուցաբերել են 7-րդ դասարանցիները։ Դասընթացը հետաքրքրություն է առաջացրել ինչպես 3-րդ դասարանցիների, այնպես էլ ուսանողների շրջանում։ Հատկանշական է նաև Ջավախքում բնակվող մեր հայրենակիցների հետաքրքրվածությունը դասընթացի նկատմամբ։

Հիշեցնենք, որ «Շտիգեն Քիդս» նախագծի «Վերականգնվող էներգետիկայի հիմունքները» կուրսը բաղկացած է 6 դաս-տեսահոլովակներից, որտեղ երեխաների համար պարզ և մատչելի լեզվով ներկայացված են վերականգնվող էներգիայի աղբյուրները և դրանց նշանակությունը, էներգախնայողության ուղղությունները և հասանելի գործիքակազմը, էլեկտրականության հիմունքները, արևային էներգետիկայի երկու ուղղությունները և այլն։ Դասընթացում կան բազմաթիվ խորհուրդներ՝ ինչպես սեփական տունը դարձնել էներգաարդյունավետ նվազագույն միջոցներով, հետևաբար այն հետաքրքիր կլինի նաև ավելի ավագ քաղաքացիների համար։ Նախագիծը ունի շարունակական բնույթ։ Շուտով կմեկնարկի նաև «Շտիգեն Քիդս»-ի  2-րդ փուլը, որի շրջանակներում աշակերների որոշ մասը կստանա հնարավորություն սեփական ձեռքերով հավաքել արևային ֆոտովոլտային վահանակներ։ Բոլոր անհրաժեշտ կցամասերը կտրամադրվեն «Շտիգեն Էներգետիկ համակարգեր» ընկերության կողմից։

Շնորհակալություն ենք հայտնում «ԱրՄաթ» ինժեներական լաբորատորիաների ղեկավարությանը, ինչպես նաև խմբակավարներին՝ «Շտիգեն Քիդս» նախագիծը սեփական ծրագրի մեջ ներառելու համար։

«Շտիգեն Քիդս» նախագծի մեկնարկի մասին կարող եք կարդալ այստեղ,  դասընթացի մասին այստեղ ։ Տեսահոլովակները այստեղ։ Թեստը կարող եք լրացնել այստեղ։